luka214

專輯名稱： 是你對不起我
歌手名稱： 詹雅雯
專輯類型： 台語
發行日期： 2006-12-26(台灣地區)
發行公司： 創意影音

01.是你對不起我
02.愛情藥單
03.詹雅雯+蕭煌奇-濁水溪之戀
04.心碎碎碎
05.愛情路二段
06.親親姐妹
07.愛需要勇氣
08.緊大漢
09.經
10.漸漸天會光
11.是你對不起我(kala)
12.愛情藥單(kala)


01.是你對不起我
作詞：詹雅雯　作曲：詹雅雯　編曲：劉清池

你來變心我無準備　我袂赴來阻止
移情別戀的人挽不回啊叫也叫袂醒
我無哭　哭擱卡大聲也無意義
已經變心的人欲送我　我也無愛治

是你是你是你對不起我　傷著我的心肝
愛你委屈卡多過歡喜　憨憨堅持為啥
安慰的話袂當止痛　傷過心的人攏知影
冗早看破　甭擱憨啦

你來變心甘有卡快樂　若有我祝福你
移情別戀的人挽不回啊叫也叫袂醒
我無哭　哭擱卡大聲也無意義
已經變心的人欲送我　我也無愛治


02.愛情藥單
作詞：武雄　作曲：詹雅雯/李富興　編曲：劉清池

為情不時袂輕鬆
為愛定定心沈重
為君消瘦入藥房
拆一帖藥仔　啊～補情夢

一蕊金銀花　二兩左手香
黃連落五錢　甘草用半叢
往事烹一暝　相思煎兩工
望君早當歸　勿做無情人

往事烹一暝　相思煎兩工
望君早當歸　心愛的無情人


03.濁水溪之戀
作詞：武雄　作曲：蕭煌奇　編曲：陳飛午　男聲：蕭煌奇

女：夢中定定看見故鄉的明月
　　照著繁華都市寂寞的土地
男：流浪的人　啊頭犁犁
　　平凡的日子　共款過
合：等待的青春　已經愈來愈多歲

男：夢中定定甲伊行過彼條溪
　　猶原流著一段委屈的身世
女：城市的人　啊彼呢多
　　若有人　甲你會適配
合：你甘會想起　故鄉彼條濁水溪

女：濁濁的溪　流過咱往事彼呢多
　　流過咱初戀的情話
女：當初愛你一個
男：如今愛你一個
合：我從來無違背

女：濁濁的溪　親像往事不再回
　　也洗去所有的誤會
男：當初愛你一個
女：如今愛你一個
合：我從來無違背
女：你是我的


04.心碎碎碎
作詞：詹雅雯　作曲：詹雅雯　編曲：劉清池

是誰人講愛情　會乎人免化妝也水
愛不對人　愈愛愈憔悴
是誰人講失戀　會乎人心痛甲袂喘氣
無情的人離開　乎伊去

啊看看看透透　感情的現實虛偽
叨位才找會到　真心兩字
海誓山盟的愛　不過如此而已
只袸愛你的人　心碎碎碎

啊看看看透透　為情受傷的人一堆
迎新棄舊流行　情無值錢
海誓山盟的愛　不過如此而已
只袸愛你的人　心碎碎碎


05.愛情路二段
作曲：林東松　作同：武雄　編曲：尤景仰

你免擱講啥　路已經行到這
到這愛準煞　無論過去是按怎
愛情的感覺　已經到一階段
若袂當結局　不如大家冗早
切乎去　拆乎散　分兩段
你緊去找尋你的戀愛城
免擱再　我等你　你等我　敖牽拖
我過我家己的生活

城市的車車車　既然來阻擋有情的人袂當靠岸
無奈的我我我　今後亦已經不是任何人的一半
我看見愛情的路有兩段　正面是快樂倒面是拖磨
親像你我　一段　兩段　漸漸來拆分散

沿路攏是車車車　無情的喇叭聲音催阮讓你先行
夢醒的我我我　只有是為阮家己繼續認真打拼
趁今夜唱完最後的情歌　我行對寂寞你去向繁華
愛情的路　一段　兩段　有無共款的名
從今後你不是你我是我


06.親親姐妹
作詞：武雄　作曲：劉清池　編曲：劉清池　演唱：詹雅雯/詹雅雲

姊：感謝命運　安排的機會
　　乎咱有緣　今生結做姊妹
妹：同命無同名　同款悲歡的身世
合：你的心事　我知上多

合：青春塊輪替　往事一直飛
　　如今你我　攏有家己的天地

姊：紅紅胭脂慢慢褪
妹：黑黑頭毛漸漸白
合：親親姊妹　咱兩人永遠行同齊

妹：宛然兩腳　無同色的鞋
　　咱也做陣　踏惦這塊土地
姊：同步無同路　同款起落的經過
合：你的故事　我聽上多

合：青春塊輪替　往事一直飛
　　如今你我　攏有家己的天地

妹：當初合唱心內話
姊：如今對唱聽詳細
合：親親姊妹　我是你永遠的歌迷


07.愛需要勇氣
作詞：張振傑　作曲：張振傑　編曲：張振傑

感情的路途　上驚有風雨
一步一步看無　回頭路
為情吃過的苦　只有你陪我渡
為你甘願　付出阮的全部

愛一個人需要勇氣　我不曾想欲放棄
只要你惦阮身邊　生命就有意義
愛一個人需要勇氣　將阮的一生交乎你
女人的心親像花蕊　有愛才會水


08.緊大漢
作詞：澎恰恰　作曲：澎恰恰

昔日看你也擱足細漢　一直映望你會緊大漢
時間不知是緊還是慢　人生敢會足困難

咱已經作陣幾落冬　看著你對囝仔變大人
阮的心內有一個希望
望你健康平安快樂　花蕊百日紅

不敢講阮是一個好模樣　相信你家治一定會曉想
有一天等你攀過人生的圍牆　你　嘛一定會唱

嬰仔嬰嬰睏　一暝大一寸　嬰仔嬰嬰惜　一暝大一尺

OS:
細漢的時陣，足想欲緊大漢
因為緊大漢，干若是父母對阮上大的央望
大漢了後才知影，其實置父母的心內
阮永遠攏是囝仔


09.經
作詞：陳維祥　作曲：陳維祥　編曲：陳飛午

不敢問你　愛我有外深
因為我知影　加問加傷心
像我這款女性　心軟耳孔輕
無論你講什麼　我攏相信

不敢望你　照顧我一生
因為我知影　彼是無可能
像你這種個性　擱鄭青嘛無路用
送你一句　真情是假袂像

你不通怪我冷冰冰　定定乎你站衛兵
你不知我是　疼置心內面
你不通講我傷腦筋　假仙一直弓
你哪會不肯承認　是你相多情


10.漸漸天會光
作詞：武雄　作曲：李富興　編曲：尤景仰

城市的黃昏　吹來冷淡的風一陣
離鄉的鳥隻　找無所在通歇睏
情路彼呢長　一條歌唱煞準一頓
雙親的等待　猶原體貼塊苦勸
時代風搖船　一幕往事兩蕊浮雲
想欲行倒返　不知故鄉在何方
夜霧罩青春　想你歸暗攏無睏
望月不敢問　幸福甘會來叫門

情路彼呢長　一條歌唱煞準一頓
雙親的等待　猶原體貼塊苦勸
想著心會酸　兩字寂寞三更夢斷
新衫的手袖　珠淚擦乾天袂光
無奈嘆青春　情歌已經押無韻
離你相過遠　幸福甘還有準算
漸漸天會光　相思醒來的時陣
蒼天若允准　幸福阮會先注文