luka214

專輯名稱：博杯
專輯歌手：江蕙
唱片公司：亞律音樂
發行日期：2006年12月29日

01.博杯
02.若不是你
03.等愛的女人
04.阿公的眠床腳
05.返來阮的夢
06.無邊無岸
07.免洗筷
08.花香
09.知己
10.愛哭的時陣


01.博杯
作詞：武雄　作曲：陳子鴻　編曲：Terence Teo

窗外清風一直吹　心事欲講袂詳細
有時悶悶想歸暝　等無月光入來坐

雙親頭鬃漸漸白　情愛誰人會速配
無講出咧彼句話　只有博杯問天地

問世間冷暖怎輪迴　事業前途應該行對叨
希望一切著會當順適　大大細細平安快樂過
問緣份到底欠外多　為何真意真心無地找
雖然是慣習孤單一個　並無放棄有情人來陪

惦惦無聲頭犁犁　看著紛亂的土地
誠心最後博一杯　望天替咱保庇這個家
誠心最後博一杯　望天替咱保庇這個家


02.若不是你
作詞：廖士賢　作曲：廖士賢　編曲：吳慶隆

冷冷的暗暝　落著冷冷的雨
冷冷的風　親像你的溫度
一陣無情雨　渥甲濕糊糊
一陣無情風　吹阮心悲傷

跟你的腳步　踏著你行的路
一步一步　找沒你講的路
想你無路用　是阮太倔強
愛你愛太狠　才會這艱苦

若不是你　若不是你
那會當將燒酒喝落去
有你的夢　乎阮心情一直亂
若不是你　若不是你
那不是袂當放乎袂記
為你一人　日日夜夜　親像塊暝夢


03.等愛的女人
作詞：謝誌豪　作曲：謝誌豪　編曲：Terence Teo

看不開　愛情這兩字
想要醉　用茫茫渡暗暝

目一睨　這場夢不醒
撩落去　愛著甘註定枉費

往事追　啊追　嘛追袂著你返來阮身邊
像針威　啊威　心痛嘎哮無溫暖的春天

目屎燒燙燙　棉被冷吱吱
明明放棄我　軟心來原諒你
目屎燒燙燙　雙手冷吱吱
等愛的女人　誰來追


04.阿公的眠床腳
作詞：巫宇軒　作曲：巫宇軒　編曲：Terence Teo

阿公的眠床腳　藏著一支老吉他
三不五時舉來彈　唱著日本時代的歌
阿公的眠床腳　放著一雙舊牽拖
二不五時穿來行　行到門口聽係世開講

啊～人生行到這坎站　嘛已經八十冬
越頭望見　少年代的夢
想著彼個人　同頂眠床作伴
一種思念的心晟　思念的孤單

阿公的眠床腳　藏著一台老紡車
三不五時紡出聲　借聲思念伊身影
阿公的眠床腳　放著一領破雨衣
三不五時拿來看　面頂寫著阿嬤的名

啊～人生行到這坎站　嘛已經八十冬
越頭望見　少年代的夢
想著彼個人　同頂眠床作伴
一種思念的心晟　思念的孤單

阿公的眠床腳　藏著心內上深的牽掛


05.返來阮的夢
作詞：巴布　作曲：林東松　編曲：陳飛午　演唱：江蕙/陳隨意

女：惦在你門邊　阮偷偷看著你
　　看你為阮半醒半醉半思念
男：破碎的願望　只有蓋在心內
　　愛情對阮是一場惡夢
男：為何妳欲傷害真心愛你的人
女：怪阮貪慕虛華追求遙遠的夢　害你一人
女：看你用心肝　愛阮用性命
　　阮的心內只有抱著　望你原諒的願望
男：茫茫看到你　是醉或是夢
　　愛情盼無月圓就是人生啊

女：看你用心肝　男：喔喔喔
女：愛阮用性命　男：一個人的心痛
女：阮的心內只有抱著望你原諒的願望
男：愛妳愛到心內醉茫茫　愛情怎會剩心痛
合：望妳今夜疼惜　返來阮的夢


06.無邊無岸
作詞：陳東賢　作曲：陳子鴻　編曲：Terence Teo

傷心　無邊無岸　日啊～　暝啊～
身軀一直漩炭　一直痛　一直炭　一直痛
炭人心　炭入肝　炭人咱初戀的孤單
炭過海　炭過山　炭過咱美夢的幻影
炭甲無邊無岸

傷心　無邊無岸　天啊　地啊
身邊一直炭　一直痛　一直炭　一直痛
炭入心　炭人肝　炭人咱初戀的孤單
炭過海　炭過山　炭過咱美夢的幻影
炭甲無邊無岸

炭入心　炭入肝　炭人咱初戀的孤單
炭過海　炭過山　炭過咱美夢的幻影
炭甲無邊無岸　
傷心　無邊無岸　天啊


07.免洗筷
作詞：武雄　作曲：徐鳳儀　編曲：小安

少年耶　你心內塊想啥貨
為何會彼呢討債
隨便亂愛無惜代價
小咩咩　愛雖然彼呢美麗
什麼是山盟海誓
你一定愛想卡詳細

真情愛應該是　是千千萬萬年
袂當隨便就浪費
有情人不通彼呢鐵齒

愛不是滿滿是　的免洗箸
到最後只有傷害無人愛置
咱應該稍控制咧才是智慧
愛就是麥擱使用免洗箸
真心來疼惜伊也疼惜家治
世間有永遠迷人的景致
咱的愛才有意義

咱的愛才有趣味
咱的愛才有滋味


08.花香
作詞：謝誌豪　作曲：謝誌豪　編曲：吳慶隆

離開彼一晚　會記得故鄉的花香
微微啊天未光　伊就起床來顧花叢
不曾一句怨嘆　搖阮大漢
不甘阮在異鄉乎風雨淋
離土的花叢　為一個夢
人茫茫　海也茫茫
伊惦惦塊等　阮返來彼工
花蕊漸漸紅　伊惦惦塊等

看無伊的人　像海上船啊找無帆
行過這多冬　嘛看透人情的冷暖
故鄉彼條小巷　如今猶原
不同是阮返去伊無塊等
無人惜花叢　花哪會香
世間阿母　攏共款
伊惦惦塊等　阮返來彼工
花蕊漸漸紅　伊已經遙遠

誰人塊叫著我　甘是阿母的聲
親像故鄉不時塊叫我
伊未擱等置彼　不敢來哭出聲
叫阮寶貝心肝　有閒就緊返來看我
伊惦惦塊等　阮返來彼工
花蕊漸漸紅　伊已經遙遠
啦～　啦～
花蕊漸漸紅　伊已經遙遠


09.知己
作詞：陳靜儀　作曲：曾世揚　編曲：陳飛午

哎呀呀　哎呀呀呀　哎呀呀　哎呀呀呀

天是雲的知己　上愛相纏綿
山是水的知己　繞來繞上玩歸瞑
星是月的知己　天頂同齊閃爍
風是花的知己　輕輕細說笑微微

牽你的手向前走　烏雲遮日　我嘛不驚
天頂塊彈爍吶　雨勢一時大
你是阮的性命　上愛甲你金金看
原來幸福不塊別位　是置這啦

哎呀哎呀　哎呀哎呀　呀呀呀
呀呀呀　呀呀呀呀


10.愛哭的時陣
作詞：陳東賢　作曲：陳冠甫　編曲：洪敬堯

思念親像三月濛　歇置窗前等春風
春風吹來化成雨　汝敢聽有阮深深的思慕

孤單離鄉千百里　每日輕輕的想汝
思念啊～　是阮唯一的行李
日時帶塊身軀邊　乎阮性命的勇氣
暗時惦惦來打開　想汝一遍已五更
思念啊～　是汝上水的名字

思念親像九月雲　罩置故鄉小山崙
汝若想我　毋通塊黃昏
遐是我　上愛哭的時陣